Тошкентдаги боғчада ухламаган болалар оёғига игна санчилгани аниқланди
![Тошкентдаги боғчада ухламаган болалар оёғига игна санчилгани аниқланди](/uploads/posts/2023-05/medium/1685343056_2023-05-29_115029.jpg)
Тошкент шаҳар Мактабгача ва мактаб таълими бошқармаси пойтахтдаги боғчаларнинг бирида болалар оёғига игна санчилгани айтилган хабарларга муносабат билдирди.
Ижтимоий тармоқ саҳифаларида Янгиҳаёт тумани 122-боғчада болаларни ухламагани учун оёқларига игна тиқишаётгани айтилаётган видео хабар тарқалди.
Аниқланишича, педагогика коллежи ўқувчиси Р.М. амалиётини ўташ учун Янгиҳаёт тумани “Орият” МФЙда жойлашган 122-сонли давлат мактабгача таълим ташкилотига 11 май кунидан 4-сонли кичик гуруҳга қабул қилинган.
26 май куни шу гуруҳ тарбияланувчиларининг икки-уч нафарига ухламагани сабабли игна тиқиб олингани маълум бўлган. Ҳозирда талаба Р.М. амалиётдан четлатилган.
Мазкур ҳолат юзасидан Янгиҳаёт туман ИИО ФМБ томонидан суриштирув ишлари олиб борилмоқда.
«Сизнинг фарзандингиз таълим-тарбия олаётган муассасада юқоридаги каби нохуш ва бошқа ноқонуний ҳолатлар қайд этилаётганига дуч келсангиз Тошкент шаҳар мактабгача ва мактаб таълими бошқармаси ишонч телефони — 71 237 08 93 рақамига қўнғироқ қилишингиз сўралади», — дейилади бошқарма хабарида.
![Таълим ва тарбияда танаффус бўлмайди](https://jizzax.uz/uploads/posts/2022-11/1668622818_1632307830_photo_2021-09-18_15-12-42.jpg)
![Маҳаллада “Одамфуруш” драмаси премьераси](/uploads/posts/2022-03/medium/1646981556_2022-03-11_114953.jpg)
![Дўстлик туманидан 30 нафар ёшларнинг сафарбарлик чақирув резервини ўташ учун бадал пули субсидия асосида тўланди](https://jizzax.uz/uploads/posts/2022-11/1667539852_2022-11-04_102759.jpg)
![«Зўр ТВ» телеканали ҳудудига портловчи модда ўрнатилгани ҳақида хабар тарқалди](/uploads/posts/2022-07/medium/1657092387_2022-07-06_122816.jpg)
![Президент тадбиркорлар учун қандай енгилликларни эълон қилди?](/uploads/posts/2022-08/medium/1661344681_photo_2022-08-22_15-07-02.jpg)