Жиззахда ҳокимликлардан 4,2 миллиард компенсация пуллари ундирилди

Маълумки, Ўзбекистон Республикаси Президентининг тегишли фармонига кўра, суд ва ҳуқуқий органлар ҳужжатларини ижро этиш, самарадорлигини ошириш бўйича республика ҳудудий кенгаши ташкил этилган. Кенгаш олдига бир қатор муҳим вазифалар белгиланган.

Шунга кўра, яқинда Жиззах вилоят прокурори раҳбарлигида ҳам навбатдаги кенгаш йиғилиши ўтказилди. Унда Мажбурий ижро бюросининг ҳудудий бошқармалари раҳбарларининг суд ҳужжатларини ижро этиш ҳолати бўйича ахбороти тингланди.

Айниқса, йиғилишда ҳокимликлардан компенсация тўловларини ундириш масаласига жиддий эътибор қаратилди.

Раҳбарлар олдига муҳим вазифалар қўйилгач, натижалар ҳам ўзини кўрсата бошлади. Ўз вақтида йўналтирилган долзарб топшириқлар сабаб, кўп ўтмай Жиззах вилоятида жисмоний ва юридик шахслар фойдасига жами 4,2 миллиард сўм компенсация пуллари айнан ҳокимликлардан тўлиқ ундирилган.